O SÍNDROME METABÓLICO

   

    O Síndrome Metabólico consiste nun conxunto de enfermidades que se presentan nunha persoa ao mesmo tempo. 

    Estes trastornos poden ser o aumento da presión arterial e dos niveis de azucre en sangue, un exceso de grasa ao redor da cintura e uns niveis anormais de colesterol e triglicéridos. 

    Padecer estes trastornos conleva risco de enfermidades cardíacas, accidente cerebrovascular e diabetes tipo 2. 

    Cada vez é máis frecuente na poboación.

    Pode tratarse dunha enfermidade hereditaria porque que se transmite a través da información xenética, aínda que se pode mellorar cos tratamientos adecuados para cada transtorno ou facendo cambios positivos como facer exercicio, mellorar a dieta, etc. Tamén pode desenvolverse ou aparecer ao longo da vida dunha persoa debido ao seu estilo de vida.

CAUSAS

    As súas causas poden ser o sobrepeso, a obesidade e a falta de actividade física; ademais dun factor coñecido como resistencia á insulina, que consiste nun aumento da glucemia debido a que a glucosa non pode entrar nas células xa que estas non responden á insulina. A idade e a xenética tamén inflúen á súa aparición.

SÍNTOMAS

    Para saber se unha persoa ten síndrome metabólico tes que mirar se o seu nivel de azúcre en sangue en axunas é de máis de 126 mg/dl, xa que os pacientes co síndrome padecen de hiperinsulinemia ou diabetes tipo 2, o que provoca dificultades para dixerir de maneira correcta a glucosa. Este aumento de insulina pode levar incluso a un infarto de miocardio.

    Tamén se presenta un aumento de LDL (colesterol malo) e triglicéridos no sangue, ao mesmo tempo que un nivel baixo de HDL (colesterol bó).

    Outro signo da enfermidade é a obesidade central, que se trata dun exceso de graxa na zona abdominal, caracterizado por crear unha cintura ancha.

    Por último os pacientes presentan hipertensión, que se trata dunha presión arterial alta.

FACTORES DE RISCO

    O risco deste síndrome vese afectado por diferentes causas como os hábitos de vida, a idade, etc.

Factores de risco que podes controlar:

• Manterse inactivo.
• Ter unha dieta pouco saudable.
• Non ter suficientes horas de sono.
• Fumar ou beber alcol.
• Factores de risco que non podes controlar:
• Idade: o risco aumenta a medida que envellecemos.
• Antecedentes familiares e xenética: os xenes poden afectar á maneira en que o corpo responde á insulina. É moi posible que o desenvolvas se algún familiar tamén o padeceu.
• Xénero: as mulleres teñen un maior risco de contraer o síndrome metabólico. Isto débese aos cambios despois da menopausia.

COMPLICACIÓNS

    Debido ao alto nivel de colesterol e á hipertensión arterial, podería haber unha acumulación de plaquetas nas arterias, que as estreitan e as endurecen, provocando enfermidades circulatorias e do corazón. Tamén podería contraerse unha diabetes de tipo 2 se non se adopta un estilo de vida saudable para reducir ou controlar o aumento de peso.

PREVENCIÓN:

    1º.- A actividade física pode ser moi beneficiosa, polo que se recomenda polo menos 30 minutos diarios. 

    2º.- Manter unha boa dieta tamén é importante para manter unha boa saúde, polo que se recomenda a inxestión de abundante froita, verdura, proteínas e cereais, á vez que reducir o sal e as graxas saturadas. 

    3º.- Unha última recomendación é non fumar xa que resulta prexudicial en moitos ámbitos da saúde.

A GORDOFOBIA

    A gordofobia é un movemento de odio, rexeitamento e violencia cara as persoas gordas polo feito de selo, xa que o seu tamaño corporal non encaixa co socialmente aceptado e establecido. Ocasiona humillación, invisibilización, maltrato, ridiculización, patoloxización e exclusión cara estas persoas. 

    Ser unha persoa gorda non implica padecer algunha enfermidade en todos os casos, pero non debería descartarse ata realizar probas médicas.

    Non se debería normalizar o feito de padecer sobrepeso, pois non aporta nada positivo para a saúde, pero tampouco debería existir un movemento de odio hacia este tipo de persoas xa que poden estar intentando cambiálo, e non lles aporta nada positivo este tipo de comentarios. 

    Como se pode observar, o Síndrome metabólico, a maioría de veces non é culpa do propio individuo. 

    Iso sí, tamén podemos ver que se relaciona con moitas máis enfermidades e casos graves, polo que intentar cambiar os hábitos cando todavía hai tempo é un paso clave para poder evitalas, así que é iniciativa da propia persoa o feito de mellorar os seus hábitos. 

    Os demais non deberían opinar sobre o corpo axeno, xa que non teñen o poder de cambiar como esa persoa se ve, non está na súa man, así que absterse de comentar é a mellor das solucións.

Que galletas resultarán máis saudables?

Escollemos unhas galletas que se atopan dispoñibles na cafetería do instituto, e como pretendemos que haxa variedades máis saudables, propoñemos outra opción. 

Comparando os datos nutricionais destas dúas clases de galletas, podemos observar:

• As galletas CHOCO BOM (dispoñibles na cafetería), aportan máis enerxía, o que os converte nunha opción menos aconsellable para consumir de xeito habitual. Teñen unha gran cantidade de azucres, sal e graxas, así como moita menos fibra e proteína. 
• Ademáis, ao estar feitas con diversos tipos de chocolates procesados, teñen moita máis cantidade de azucres e aromatizantes ou saborizantes. 
• Moita da enerxía que aporta este alimento procede da cantidade de graxas, que resultan prexudiciais por ser saturadas xa que aumentan o colesterol, o risco a enfermidades cardíacas ou poden producirnos obesidade.

• Pola contra, as GALLETAS MARÍA SIN SAL NI AZÚCARES (dispoñibles no Carrefour) aportan unha menor cantidade de enerxía. 
• Teñen pouca sal, azucre e graxas, aínda que os carbohidratos están moi pouco por debaixo en comparación. 
• A fibra e a proteína están en proporcións ideais.

Os azucres consumidos en exceso, forzan ó noso páncreas a producir máis insulina, polo que poden favorecer nalgunhas persoas a resistencia á insulina, e ademáis serán almacenados en forma de graxas, polo que poden conducirnos a incrementar o noso peso.

Consumir moita sal pode producir hipertensión, enfermedades cardiovasculares, retención de líquidos, diabetes e moitas outras; polo que debería regularse o seu consumo nas dietas saudables.

 

O PRATO DE HARVARD

O PRATO DE HARVARD   

O prato de Harvard é unha guía nutricional para comer saudable e equilibrado e para obter todos os nutrintes necesarios, para poder ter unha vida sá e así padecer menos enfermidades.

Está dividido en catro partes:

1. A máis grande a dos vexetais, que representa un tercio do prato, na que se inclúen verduras e hortalizas como leituga, repolo, xudías, coliflor, zanorias... Cantas máis cores haxa no prato máis vitaminas e minerais aportan.
2. Outra parte cos cereais integrais que representa un cuarto do prato, no que se inclúe o arroz, a pasta , o pan e as patacas.
3. As proteínas saudables que tamén son unha cuarta parte, coma o pescado, a carne, os ovos, os froitos secos e as legumes.
4. As froitas coma o plátano, as fresas, a mazá,etc., que representan a menor parte do prato, unha sexta parte do prato.

Ademais, o Prato de Harvard tamén nos di que debemos beber moita auga e limitar o consumo de lácteos a unha ou dos porcións ao día. Como graxas saudables debemos utilizar aceites vexetais coma o de oliva ou o de xirasol e tamén debemos tomar aguacate, e debemos evitar as graxas trans e a manteiga.

DIETA SAUDABLE E EQUILIBRADA

Levar unha dieta sá ao longo da vida axuda a previr a malnutrición e outras enfermidades relacionadas cos alimentos, como a obesidade ou o sobrepeso. Sen embargo, o aumento da producción de alimentos procesados e ultraprocesados, así como un cambio de estilo de vida, no que cada vez temos menos tempo para dedicar as actividades imprescindibles no día, deron lugar a un cambio nos hábitos alimenticios. Na actualidade, as persoas consomen máis alimentos hipercalóricos, graxas, azucres, etc. Ademais, moitas persoas non comen a cantidade suficiente de frutas, verduras e fibra dietética, como os cereais integrais.

QUE É UNHA ALIMENTACIÓN SAUDABLE?

Unha alimentación saudable é aquela que aporta a cada individuo todos os alimentos necesarios para cubrir as necesidades nutricionais nas diferentes etapas da vida e en función da súa situación saudable. 

Cada persoa ten un requerimentos nutricionais diferentes dependendo da idade, sexo, talla, actividade física que elabora e o esta do saúde. Isto fai que cada individuo teña un concepto diferente de levar a cabo unha alimentación saudable. No obstante, existen uns principios básicos para levar a cabo unha alimentación saudable e equilibrado.

 Aínda que esta dieta mantense equilibrada sempre cando a acompañemos de exercicio físico diario e uns hábitos saudables, así como, evitar malas prácticas, como beber alcohol ou fumar.

Outro punto a destacar é que non sempre as dietas máis restrictivas cos alimentos son as máis saudables, xa que ao igual que eliminamos eses alimentos que son insanos ou que teñen mala reputación, ao mesmo tempo, restrinximos ese aporte nutricional que nos poden ofrecer. Polo tanto, as veces as dietas que limitan e prohiben algúns alimentos poden produrcirnos impactos negativos en nós, como estabilidade emocional ou mesmo ansiedade por comer.

 

QUE DEBE TER UNHA ALIMENTACIÓN SAUDABLE?

Aínda que como dixen antes, unha dieta equilibrada e saudable depende de factores personais, como a idade, sexo, estatura, etc. Sen embargo todas estas dietas conteñen unha seie de alimentos un tanto obrigatorios polo seu gran aporte nutricional e a súa repercusión positiva en nós.

• Consumir todos os días verduras, hortalizas e cereais.
• Introducir na dieta froita fresca todos os días. A cantidade recomendada diaria é de cinco pezas de froita, canto máis variada mellor.
• Comer pescado azul e carnes vermellas varias veces á semana. 
• Beber 2 litros de auga ao día. 
• Toma diariamente lácteos, como leite, iogur ou queixo. 
• Evita as bebidas alcohólicas e enerxétcas.
  

Aparte de todas estas medidas debe ser unha dieta completa, que aporte todo tipo de nutrientes e equilibrada, é dicir, que eses nutrientes se encontran na medida proporcional adecuada.Según moitos estudos levados a cabo, na nosa alimentación diaria debería conter entre un 50 % e un 60 % de hidratos de carbono, un 20 % de graxas e un 15 % de proteínas.

 

 RECOMENDACIÓNS

• Non abuses da sal e do seu exceso.Como alternativa podes usar allo, cebola, vinagre, limón ou herbas aromáticas na comida.
• Toma aceita de oliva como principal graxa da túa alimentación.
• Modera o consumo de doces, bollería, etc. 
• Realiza de 4 a 5 comidas ao día.
• Mastica ben a comida.
  

 

 QUE EFECTOS CAUSA NO NOSO ORGANISMO O CONSUMO DE CHOCOLATE?

ALGUNHA VEZ OÍCHEDES ISO DE QUE O CHOCOLATE CAUSABA FELICIDADE? 

OU VÍSTEDES NAS PELÍCULAS QUE SE COMÍA DESPOIS DUNHA RUPTURA AMOROSA? NESTE ARTIGO IMOS DESCUBRIR SE É CERTO.

O chocolate é un alimento integrado de forma homoxénea na dieta de toda a poboación, aínda que non sexa necesario para a nosa existencia. Sabemos que a semente ven de América, onde a coñecían como “o alimento dos deuses”, e que debido á colonización, extendéuse  por todo o mundo a súa plantación e o emprego que alí lle daban. Grazas a que continentes como Europa estaban moi avanzados, conseguiron crear receitas novas que deron lugar a todas as variedades existentes hoxe en día, sendo Bélxica e Suiza os que se puxeron á cabeza do proxecto. 

O chocolate procede do cacao, do pó e da manteiga, pero para a súa fabricación empréganse moitos máis alimentos que eses, como son o azúcre, o leite, ou outros edulcorantes dependendo da clase.

• O cacao procede da semente do Theobroma cacao ou Cacaotero, árbore tropical que se cultiva en África e América. A partir dela extráense os grans, que pasan por un proceso de torrado e serven para obter o cacao en pó, e máis as fabas, que dan a manteiga de cacao. Todo o que se obtén desta semente é natural, e por si só ten moitos beneficios que o chocolate non nos aporta ao estar mesturado con outros alimentos.

     

• O azucre engádeselle en moi pouca cantidade para aumentar o doce no sabor e que non sexa tan amargo. Ademáis, así o uso na repostería ten un mellor comportamento. Non en todos os casos é así, pois o chocolate con leite ou o chocolate branco levan cantidades moi elevadas deste compoñente, facendo que xa non sexa tan natural e san coma o amargo ou puro.

Na súa composición química destaca a concentración de flavonoides, un compoñente químico con capacidade antioxidante, que aporta grandes beneficios como a reducción do risco de padecer diversos tipos de enfermidades.

O chocolate posúe cualidades antidepresivas, porque eleva os niveis cerebrais de serotonina; dopamina e endorfinas, hormonas relacionadas cos cambios de humor, que xeran reaccións positivas no organismo. Tomar chocolate de forma controlada mellora o estado de ánimo e aporta enerxía, a parte de mellorar a memoria e previr o avellentamento do cerebro. O cacao é unha gran fonte de feniletilamina, substancia que xera o cerebro naturalmente, que produce euforia e benestar emocional. Debido ao seu alto contido en vitamina C e fibra, convértese nun excelente preventor de enfermidades cardiovasculares e cerebrovasculares, de cáncro hepático, de enfermedades gástricas e de colon. Ten alto contido proteico e aporta moitas calorías, polo que adoita ser utilizado en dietas hiperproteicas.

Canto máis procesado esté o alimento que conteña cacao, perde a meirande parte de nutrientes e propiedades positivas, o que quere dicir que canta máis porcentaxe de cacao leve, considérase máis beneficioso.

Aínda tendo en conta os aportes positivos que podemos obter a partir do chocolate, non é recomendable excederse no seu consumo, xa que ten un alto número de calorías e grasas que en moita cantidade pode resultar perxudicial.

Artigo realizado por Alba Martínez Lojo, Tania Silva Muñiz e Alba Millán Santos.

CARACTERÍSTICAS DUNHA DIETA SAUDABLE

 Para que unha dieta sexa recomendable a toda a poboación, requírese:

1. Que a composición de alimentos sexa variada.
2. Que achega suficientes calorías para atender ás necesidades enerxéticas dos individuos sans, axudando a manter un peso adecuado.
3. O contido de graxa total pode ser dun 30-35% da enerxía total, sendo a graxa saturada inferior ao 10% e de preferencia un 7%. Os ácidos grasos poliinsaturados deben atoparse nuns niveis inferiores ao 7% e os monoinsaturados arredor dun 15-20%.
4. O colesterol da alimentación debe ser inferior a 300 mg/día.
5. Que achegue suficientes minerais, oligoelementos e vitaminas.
6. Que teña alimentos ricos en fibra e un contido baixo en azucre refinado e sal (sodio).
7. Se se consomen bebidas alcohólicas, debe facerse con moderación (máximo10 g diarios para mulleres e 20 g para os homes)
8. Ademais, é aconsellable realizar exercicio físico a diario e non fumar.