A obtención de pan mediante a biotecnoloxía

 Chamamos  Biotecnoloxía a un conxunto de técnicas que utilizan células vivas, cultivos de tecidos, ou moléculas, derivadas dun organismo, por exemplo, encimas, para obter ou modificar un produto, mellorar unha planta ou animal ou desenvolver un microorganismo para o seu uso cunha finalidade específica. .

 Quizais o pan sexa un produto biotecnolóxico menos evidente que o iogur ou a cervexa, pero na súa produción participa polo menos un tipo de microorganismo: Saccharomyces cerevisiae.

 E cando actúa S. cerevisiae? Dende que entra en contacto co resto dos ingredientes (na formación da masa), ata que a temperatura do forno alcanza os 50-60 graos centígrados (temperatura que os microorganismos non poden resistir). Neste período de tempo, S. cerevisiae realiza unha fermentación alcohólica: transforma os azucres da fariña (glicosa) en etanol e CO2. Mentres que o etanol se evapora durante a cocción, o CO2 queda retido na masa e é responsable do aumento de tamaño do pan, e da esponxosidade da faragulla.

As cousas cambian

 

         Esta semana pudemos ver con moita satisfacción como cambiou un pouco a oferta de alimentos saudables, na cafetería.

 Xaberedes que podedes mercar mazás e mandarinas por 50 cts.

Xa non podemos dicir que non podemos escoller!

Pensade nesta alternativa, para non chegar a casa esfameados os martes, mercores, xoves e venres, se saímos as 14:30.

Saúde!!

Receita de Tortitas Saudables

 

Receita de calamares rebozados

   Os calamares son un alimento moi rico en proteínas. Se os fritimos e conseguimos que o rebozado non se enchoupe de aceite, serán máis dixestivos e saudables. Aquí vos deixamos o truco!!

☺Calamares rebozados.

TALLER DE COCIÑA SAUDABLE

O alumnado do Club de Ciencia, tivo a oportunidade de asistir a un Taller de Cociña Saudable, o pasado martes día 9 de abril, impartido polo Profesor de Cociña do CIFP de Coroso Manuel Patiño Carou. 

O Profesor fixo fincapé en que comer saudable era comer variado, e productos frescos, que non hai que complicarse....comer carne tamén é saudable, se non comemos moita, e non a acompañamos con un plato de patacas...se a acompañamos con unha ensalada ou un pesto....e tomamos de postre froita, é máis saudable que con patacas fritidas e de postre tarta de chocolate con nata... 

Él preparounos un menú cos seguintes platos: 

1- Focaccia: unha masa fermentada desde o día anterior, que preparou con 1 kgr de fariña de todo uso, 800 grs de auga 20 grs de sal e 3 grs de levadura de panificación. Tiña un aspecto increíble! 

Estaba moi opada e tiña moitos globiños producidos pola fermentación. Explicounos que non debíamos rompelos, porque eso apelmazaría a masa ao perder o CO2 producido pola fermentación alcólica das levaduras, sobre os azúcres da masa. 

Aliñouna con aceite de oliva, e mollaba as máns en auga con sal mentres a estiraba para evitar que se lle pegase nos dedos ao traballala... 

Por enriba dispuso unhas lonchas de tomate natural e unhas follas de albahaca fresca, que nos deu a probar, e masticamos para apreciar o seu sabor.

.

O profesor explicounos que a albahaca fresca tiña propiedades antisépticas, e que axudaba a previr a caries e o mal alento (apuntade o dato!!) A continuación meteuna ao forno uns 20 minutos!! Cando abreu a porta,  tiña un aspecto increíble, e estaba riquísima. 

Todos repetimos!! (Menos Maryen que como estaba de Ramadán tivo que absterse de comer durante todo o cociñado!, pero levou unhas racións para comer ao porse o Sol). 

2- Sopa Minestrone: é unha sopa con beicon, verduras e pasta. Primeiro friteu o beicon nunha pota grande (eramos 25 para comer, 23 alumnos e dúas profes). A continuación engadeu as verduras ( repolo, cebola, calabacin, allo porro, cenoria, pemento verde, pemento vermello, pepino) e deixou que se rehogasen ate que empezaron a baixar o seu volume e a soltar auga. Coceron así uns vinte minutos. Cando estiveron as verduras listas, engadeu un paquete de tiburóns de pasta, e deixou que se cocera durante 8 minutos...contundente e saudable!! Riquísima!!

3- A continuación preparou dourada ao forno con patacas "panadeira". Limpou ben o peixe e dispúsoo sobre a cama de patacas, cebola e pemento vermello, que xa tiña preparados e aliñounas con sal grosa. Dixo que non había que preocuparse polo sal, que o peixe coa pel, toma o sal que precisa. 

A verdade e que estaba boísima, e para servila desespiñounos todas as racións!! 

Non hai ningún restaurante que desespiñe o peixe na nosa cidade... nin nos arredores, así non hai disculpa para non comer peixe a gusto!!

4- Para rematar, o postre foron unhas mazás asadas con un pouco azucre e canela (bueno, así sen que ninguén o sepa, dicir que lles botou por enriba un chorro de anis doce, e dixo que tamén lles iría moi ben un pouco de ron, pero como eran para cociña saudable...pois non llo puxo). 

 Todo estaba boísimo, e apredemos a facer a "mise en place"(" todo no seu sitio") coa que os grandes cociñeiros son capaces de preparar menús con distintos platos, para un elevado número de comensais. 

 Creo que todos disfrutamos do taller!! Hai que repetilo!!

Presenza de vitamina c en distintos alimentos

OBXECTIVO: Determinar a presenza de vitamina C en distintos alimentos.

Materiais empregados:                     Alimentos:                              

    -Pipetas                                                             -Zumo granini (Brick)  

    -Vasos                                                             -Lima  

    -Tubos de ensaio                                               -Laranxa froita                     

    -Disolución de amidón ao 0,5 por cento            -Laranxa sanguina

    -Disolución de Vitamina C de farmacia              -Limón

    -Reactivo de lugol (iodo e ioduro de potasio)    -Limón Solimon 

   PROCEDEMENTO: 

    -Primeiro cortamos os alimentos e facemos zume de cada un.  

    -Posteriormente introducimos cada zume en vasos diferentes.   

    - disolvemos 5 gramos de amidón en 1000 ml de auga e a quentamos. 

    - esperamos a que se enfrie.

    -Tras isto, dispoñemos 3 ml da disolución de almidón en cada tubo ca pipeta.  

    -Posteriormente debemos engadirlle ao amidón aproximadamente 2 gotas de         Lugol, que fará que a mezcla se poña de cor negro-azulada. 

    -Por último debemos engadir gota a gota, cada zume, nos diferentes tubos ata que a mezcla pase da cor azulada a unha cor completamente transparente!. 

RESULTADOS: 

    - Zume de limón natural: 5 gotas 

    - Zume de laranxa natural: 5 gotas 

    - Zume de lima: 8 gotas 

    - Zume de laranxa (Brick): 5 gotas 

    - Zume de laranxa Sanguína: 3 gotas 

    - Zume limón solimon: 4 gotas 

    - Zume de tomate: 11 gotas 

ANALISE DOS RESULTADOS: 

    A partir dos resultados obtidos podemos determinar a cantidade de vitamina C que conteñen diferentes zumes e froitas. 

    Como podemos observar o zume de laranxa Sanguína é o alimento que máis Vitamina C contén, xa que con só 3 gotas de este, cambia por completo a cor da disolución de amidón. 

    Por outro lado o zume de tomate xunto co de lima, son os alimentos que menos vitamina C conteñen. Sorprendentemente o zume de laranxa natural contén a mesma cantidade de Vitamina C que o zume de brick. 

VALORACIÓN PERSONAL: 

    Esta práctica sen duda algunha foinos de moita utilidade, sobre todo a nenos da nosa idade, xa que coñecer cales son os alimentos con maior cantidade de vitamina C, é importantísimo para nós,  pois estamos na etapa do crecemento.